Kryebashkiaku i Tiranës, Erion Veliaj mbrojti lejet e dhëna për ndërtime në Tiranë, gjatë një emisioni televiziv.
Në “Now” në Euronews Albania, u ngrit shqetësimi se me ndërtimet po pastrohen para dhe si referencë u soll një raport i fundit i Drejtorisë së Pastrimit të Parave.
Kryebashkiaku i Tiranës tha se nuk është detyra e tij që të verifikojë blerësit e apartamenteve dhe burimet e tyre financiare.
Lidhur me trafikun në Tiranë, Veliaj tha se është një problem që haset dhe në botë.
“Të pasurit probleme me trafikun apo me lëvizshmërinë në Tiranë, është një problem që e kanë të gjithë qytetet që po zhvillohen e po rriten. Nuk ka trafik Bilishti dhe Kopliku, por ka Tirana. Pra ka trafik në vende ku të gjithë njerëzit shkojnë për shërbime, për rroga më të mira”, tha Veliaj.
