Akademiku, Artan Fuga, ka komentuar gënjeshtrat e politikanëve për të cilët u shpreh se gënjeshtrat e tyre nuk janë si ato të Pinokut.
I ftuar në emisionin Bilardo në MCN, ai tha se rasti është më i keq dhe se sipas tij, ka dy lloj politikash, e para hap pas hapi, pra që unë nuk premtoj ndryshime globale, por ndryshime graduale për një afat të shkurtër që dhe i korrigjoj dhe e kundërta.
Një lider apo politikan sado fuqi të ketë realitetin nuk e imponon dot sepse në rrethana të caktuara s’mund të bëjë terror, se ka vendin të izoluar dhe kështu gënjeshtra fillon të bëhet elementi fillestar i funksionimit të shoqërisë. Ndërkohë ne kemi zakon tjetër të mbetur nga komunizmi që bëjmë premtime globale shumë afatgjatë. Fatkeqësia është se diktatorët gënjejnë më pak, sepse diktatori kur premton me anë të terrorit bën që shoqëria të përputhet me idenë e tij. Vijmë nga ana e publikut tani pse i pranon këto, ai ka dy mundësi, ose të thotë si besoj këto por kjo është një dramë çfarë i ndodh, rruga e dytë është të ketë një shpresë sepse po nuk besoj është i mbaruar. Dhe kështu këto gënjeshtra vazhdojnë me shekuj, pra dhe populli do të gënjehet. Nuk është propaganda që gënjen masat, masat kanë nevojë të gënjehen se përndryshe nuk përballojnë dot jetën, kanë nevojë për këtë qetësi, paqe që ju jep gënjeshtra e bukur.
Në vijim ai mori një shembull për të ilustruar atë që tha duke u shprehur se imagjino 10 vite më parë dikush ti thoshte masës, shiko nga 2019 deri 2023 do keni tërmet, pandemi, luftë, krizë energjetike çfarë do mund të ndodhte? Pra siç ai shprehet në botën moderne gënjehet më shumë se sa në mesjetë dhe lashtësi.
Gënjeshtra e ka rritur volumin, pse? Imagjino kështu sa i lumtur një shqimëtar në shek.16. ai jetonte në një kodër atje, ai ishte një fshatar i lirë, kishte dy kuaj, një lopë, një qen, ca dele. Tani e para s’mund ta gënjeje atë, se çfarë mund ti thoshe se nga këto 5 dele po ti mbashtrosh me qenin do dali një gomar, se gënjeje dot. E dyta sulltani andej s’kishte punë me këtë fshatarin. Problemi i gënjeshtrës ka ardhur me kohën moderne dhe të gjitha këto vlera mos gënje etj etj kanë dalë për atë shoqëri që kishte kuptim. Vijmë tani te shoqëria moderne, globalizmi këtu se merr më vesh i pari të dytin dhe më e bukura është se për çdo gënjeshtër që nuk del gjendet një justifikim që tregon se gënjeshtra ka dalë, ose nuk doli për një arsye të paparashikuar.
Tani, janë tre kushte fillestare 1. ka kultura popullore që se pranojnë premtimin afatgjatë sikur do vijë parajsa, një premtim gati gati teologjik. Sidomos popujt anglosakson si gënjen dot. Ne jemi një popull mesjetar dhe këta popuj e kanë pasur këtë besimin se mund të njohin të ardhmen historike. E dyta në shoqëritë perëndimore ka liderë të fortë të opinionit që janë kritikë me çdolloj propagande qeveritare dhe në momentin që qeveria apo politika liderët e opinionit që kanë njohuri të jashtëzakonshme ata kundërshtojnë dhe masa çfarë bën më shumë besojnë ata se te ato që thonë politikanët. E trata janë mediat, ne këto si kemi në shoqërinë tonë dhe prandaj shkojmë si rrotaxhile.
