Policia e Shtetit ka nisur hetimet për punëtorin spanjoll, Franciso Cervilla, i cili dyshohet se mbrëmjen e djeshme vrau veten në një hotel në Karavasta të Divjakës.
Pista kryesore që po hetohet është ajo e vetëvrasjes, por ka dyshime nga burime jo zyrtare se mund të jetë edhe vrasje.
47- vjeçari punonte në zonë si specialist për montimin e pajisjeve në sera është gjetur nga shoku i tij, Oskar Velasko, i dëmtuar teksa ka prerë damarët. Shoku i tij i dhomës , Oskar Velasko në dëshminë e tij në polici ka deklaruar se së fundi 47- vjeçari kishte shfaqur shenja depresioni dhe nervozizmi për shkak të mosmarrëveshjeve me bashkëshorten e cila ndodhet në Spanjë, por që kurrsesi nuk e mendonte se do te arrinte në këtë akt ekstrem.
Ai tha se mes tyre kishin nisur debatet. Sipas Oscar Velasco, këtë gjë ai ia kishte treguar, duke shfaqur shenja depresive e nervozizmi.
Burimet nga Policia e Lushnjës, njoftuan se 47-vjeçari Franciso Cervilla ishte futur në banjë për të bërë dush. Ai ka marrë me vete një falcetë që përdoret zakonisht në punimet e gipsit dhe ka prerë damarët në parakrahë për së gjati. Më pas ka prerë edhe gropën e fytit.
- Çfarë njoftoi policia për ngjarjen në Divjakë?
Në fshatin Karavasta, Divjakë, në një hotel, shtetasi spanjoll F. C., 47 vjeç, dyshohet se ka dëmtuar veten me mjet prerës (thikë) dhe për pasojë ka humbur jetën.
Grupi i të drejtave të njeriut: Gazetari i burgosur i REL-it tentoi të vetëvritej
Sipas deklarimeve të para të shokut të tij të dhomës, shtetasit spanjoll O. V., 41 vjeç, rezulton se 47-vjeçari është dëmtuar me mjet prerës gjatë kohës që ka qenë duke bërë dush.
Nga ana e grupit hetimor, nën drejtimin e Prokurorisë, po kryhen veprime të thelluara hetimore për sqarimin e rrethanave të ngjarjes, për të përcaktuar shkakun e kryerjes së vetëvrasjes.
Ndërkohë, është shoqëruar në ambientet e Policisë, shoku i dhomës, shtetasi O. V., për sqarimin e të gjitha rrethanave dhe mekanizmit të ngjarjes.
Në përfundim të veprimeve të para hetimore në vendngjarje do ketë njoftim të detajuar për këtë rast.
