Policia ka ndarë pamjet e operacionit të koduar “Harta” ku u arrestuan 20 persona, ndërsa në kërkim u shpallën 4 të tjerë të cilët merreshin me shpërndarje të lëndëve narkotike.
Gjatë operacionit u arrestuan shtetasit: F. Q,. 39 vjeç , D. I., 23 vjeç 3. R. L., 22 vjeç, E. H., 25 vjeç, D. Ç. 31 vjeç, E. M., 60 vjeç, F. B., 37 vjeç, M. K., 35 vjeç, M. Gj., 31 vjeç, M. H., 39 vjeç, M. T., 31 vjeç, P. Sh., 40 vjeç, E. Xh., 47 vjeç, A. Ll., 45 vjeç, A. Xh., 51 vjeç, I. L., 26 vjeç, M. V., 44 vjeç, F. P., 25 vjeç, E. K., 35 vjeç, J. H., 32 vjeç.
Në video duken efektivët e Forcave Operacionale që hyjnë në aksion dhe arrestojnë disa nga personat që ishin pjesë e grupeve kriminale që shpërndanin kokainë, heroinë dhe kanabis në zona të ndryshme të Tiranës.
Në kuadër të këtij operacioni janë sekuestruar 11 makina, 29 aparate celulare, rreth 5 milionë Lekë të vjetra, 1700 Euro, 2.1 kilogramë kokainë, 300 doza kanabis dhe 130 doza heroinë.
Drejtori i Policisë së Tiranës, Tonin Vocaj, bëri me dije këtë të mërkurë se të arrestuarit ishin pjesë e dy grupeve kriminale dhe shpërndanin drogë në zona të ndryshme të Tiranës dhe Kamzës, afër shkollave, lokaleve të natës dhe ambienteve të tjera që frekuentohen nga të rinjtë.
Hetimet kanë zbuluar se ata përdornin mesazhe të koduara dhe për t’iu shmangur kontrolleve të befasishme të policisë qarkullonin me automjete të transportit publik.
