Arrestohet shoferi 27-vjeçar, pak orë nga aksidenti i rëndë mbrëmjen e djeshme ku humbi jetën shtetasi dhe njëkohësisht efektiv i policisë, Agron Saba.
Uniformat blu prangosën të riun me iniciale G.H, pasi ky shtetas akuzohet për veprën penale “shkelje e rregullave të qarkullimit rrugor”.
“Në vijim të informacionit paraprak të dhënë mbrëmjen e djeshme, në lidhje me një aksident rrugor, në aksin rrugor “Patos-Fier”, specialistët e Sektorit të Qarkullimit Rrugor të DVP Fier arrestuan në flagrancë shtetasin G. H., 27 vjeç, banues në Patos, për veprën penale “Shkelja e rregullave të qarkullimit rrugor”, pasi ka aksidentuar, me pasojë vdekjen, shtetasin A. S. (punonjës policie në Stacionin e Policisë Patos)”, thuhet në njoftimin e policisë
Aksidenti i rëndë:
Një aksident i rëndë rrugor është regjistruar mbrëmjen e djeshme në aksin rrugor Patos-Fier. Raportohet se një automjeti tip “Opel” është përplasur me një automjet tip “Benz”. Si pasojë e përplasjes së rëndë, ka ndërruar jetë në vend 58-vjeçari Agron Saba. Mësohet se Saba është punonjës policie në stacionin e Policisë së Patosit dhe drejtonte mjetin tip “Opel”.
