Një skandal është publikuar sot në media dhe ka për protgaonistë tre punonjës policie të Komisariatit Nr.1, të cilët me komente seksiste dhe gjuhë fyese trajtojnë një denoncim të zhdukjes nga banesa për një vajzë të mitur, të datëlindjes 2005.
“Kjo vajzë është larguar nga banesa dhe nëse konstatohet të shoqërohet në komisariatin më të afërt”, është mesazhi i shefit Rustem Dervishi, shoqëruar me foton e vajzës, shpërndarë në grupin e punës në rrjetin social Whats App, të efktivëve të Komisaritatit Nr.1.
Në vijim, pasojnë komentet seksiste mbi moshën dhe fizikun e vajzës së mitur nga Petrit Hala dhe efektivja Ina Nuka, të cilat gjithashtu nuk mungojnë as nga ana e Rustemajt.
Në lojën “hidh e prit” për të denigruar vajzën e zhdukur, Nuka komenton foton e së resë duke pyetur “çfarë vit prodhimi është shef?”, pyetje të cilës Rustemaj i përgjigjet me “model i fundit më duket”, ndërsa Hala i thotë: “Shikoje Ina nga parakolpi”.
Për skandalin në fjalë ka nisur tashmë një hetim nga Agjencia e Mbikëqyrjes Policore, por ajo çka bie në sy, është gjuha bullizuese dhe seksiste që përdor efektivja Nuka, e cila nuk është një emër i panjohur për publikun.
“Drejtoria Rajonale e AMP Tiranë ka nisur menjëherë procedurat për nisjen e hetimit disiplinor ndaj punonjësve të Policisë Tiranë, pas publikimit në rrjete sociale të disa komunikimeve jo etike, në grupet e komunikimit”, thuhet në njoftimin e AMP.
Ina Nuka, kur ishte pjesë e repartit “Shqiponja” (asokohe vetëm 24-vjeçce) u plagos në një protestë të zhvilluar nga banorët e zonës së “Astirit”, të cilët kundërshtonin ndërtimin e “Unazës së Re” duke kërkuar dëmshpërblime dinjitoze për banesat e tyre.
Në protestën e 22 nëntorit 2018, efektivja Nuka mbeti e plagosur pas shpërthimit të një kapsolleje, teksa ajo ndodhej në rreshtin e dytë të kordonit policor të krijuar para hyrjes së Kuvendit.
Pasi kapsolla i shpërtheu në dorë, Nuka fluturoi drejt Turqisë, ku iu nënshtrua një ndërhyrje të specializuar kirurgjikale në Ankara. Falë ndërhyrjes, mjekët turq bënë të mundur rikuperimin e 4 gishtërinjve, por humbi gishtin e madh të njërës dorë.
“Ishim me shërbim te Parlamenti për protestën. Situata agravoi dhe turma nisi të shtynte. Isha në rreshtin e dytë dhe një nga këto plasëset më ra në trup dhe u mundova ta shmang me dorën e djathtë, pasi e kisha në pjesën e qafës”, tregoi Nuka pak orë pas ngjarjes teksa foli për TCH nga spitali.
Për ngjarjen në fjalë u arrestua Daniel Drobaj, i cili u bë pjesë e protestës së banorëve të Unazës së Re.
Ajo çka e shoqëroi ngjarjen ku mbeti e lënduar Ina Nuka ishte një “histeri” e të majtës në pushtet që për propagandë e përdorën figurën e saj përreth një vit, deri në rikthimin në detyrë në Policinë e Shtetit.
Teksa Edi Rama e dekoronte dhe i puthte duart në Kryeministri, kryebashkiaku i Tiranës, Erion Veliaj “i qante hallin” se do mbetej pa martuar, teksa në një mbledhje të Këshillit Bashkiak shprehej: “Nuk është gjynah ajo vajza pa gishta”
“Nuk është gjynah ajo vajza pa gishta? Të gjitha burra jemi këtu, i shkojnë sytë ndonjërit prej nesh këtu që të martohet me një gocë pa gishta?! I kemi shkatëruarr jetën dhe dashtë Zoti daltë me sukses, ajo që u bë u bë tani”, u shpreh Veliaj me një humor të zi shumë të kritikuar në rrjet, për gjendjen e Ina Nukës, në nëntor 2018.
Pavarësisht bullizimit të shprehur hapur nga Veliaj dhe gjuhës tallëse për fatkeqësinë që i ndodhi, Ina Nukaj i ruajti lidhjet me të majtën në pushtet dhe u shfaq në 17 nëntor 2019 krah kryebashkiakut të Tiranës.
Veliaj postoi një foto nga stadium “Air Albania”, në krah të efektives duke nënvizuar se po ndiqte ndeshjen e kombëtares kuqezi me “policen më të mirë në vend!”.
LEXO EDHE:
“Shihe nga parakolpi”/ Vajza e humbur, shefat e komisariatit në Tiranë bëjnë komente seksiste
Dikur Rama i puthte duart/ Kush është efektivja që ishte pjesë e komenteve seksiste
