Një 49-vjeçar shqiptar, ka rënë në prangat e policisë greke, pasi akuzohet pasi akuzohet për një sërë vjedhjesh dhe posedim droge.
Sipas informacioneve që transmetojnë mediat e huaja, shtetasi shqiptar më 24 shkurt të këtij viti, së bashku me bashkëpunëtorin e tij kanë hyrë në zyrat e një kompanie në Rodos dhe kanë tërhequr para dhe çeqe bankare. Po ashtu, shqiptari akuzohet për vjedhje të një sasie të madhe nafte nga tanket e një spitali. Mësohet se bashkëpunëtori i tij nuk është identifikuar ende.
Më datë 14, policia ka lokalizuar 49-vjeçarin në Prnonisi dhe gjatë kontrollit të ushtruar në makinën e tij, i cili udhëtonte me partneren e tij, ka gjetur dhe konfiskuar një çantë të zezë me 3935 euro, çelësat e shtëpisë dhe një celular.
Policia ka vijuar dhe kontrollin fizik në shtëpinë e të pandehurit, ku ka gjetur kokainë, peshore elektronike dhe 4 celularë.
Gjatë seancës gjyqësore, shqiptari nuk ka pranuar akuzat.
Burimi: Dimokratiki.gr
