Një zjarr i madh që përfshiu një zonë bujqësore dhe pyjore pranë qytetit të Orkomenos në Greqinë qendrore po shuhet aktualisht nga 105 zjarrfikës me 25 automjete, të cilët janë vendosur në vendngjarje, njoftoi sot Shërbimi Grek i Zjarrfikësve.
Dhjetë aeroplanë dhe tre helikopterë marrin pjesë periodikisht në shuarjen e zjarreve nga ajri, raporton Katimerini.
Zjarri shpërtheu pak pas orës 3:30 të pasdites në një zonë jashtë zonës së banuar.
Zjarrfikësit njoftuan se Qendra Kombëtare e Koordinimit për Operacionet dhe Menaxhimin e Krizave (ESKEDIK) merr imazhe në kohë reale nga droni, nëpërmjet kamerave optike dhe termike.
Një ekip reagimi ndaj zjarrvënies nga Viotia mbërriti në zonën e Orkomenos për të hetuar shkakun e zjarrit.
