Prokurorët zviceranë në një raport vjetor e kanë ndalur theksin tek mafia që ka “pushtuar” vendin, ndërsa në krye të saj sipas tyre qëndrojnë shqiptarët.
Sipas “Zentral Plus”, mafia shqiptare i ka shtrirë tentakulat shumë fort në këtë shtet.
Ndërkohë sipas prokurorëve grupet nga Shqipëria, kanë vënë nën kontroll tregtinë ndërkombëtare të drogës.
Për të ilustruar këtë raport, prokurorët morën shembullin e dy personave të arrestuar më herët, Ervin Hoxha dhe Martin Keller, të cilët bënë trafik të drogërave të rënda, nga një blerës që identifikohet me emrin “Ilir”.
Ata kishin importuar 82 kilogramë kokainë me një vlerë shitjeje prej 6.4 milionë frangash nëpërmjet Amerikës së Jugut dhe Holandës.
Pjesë nga shkrimi:
Kriminelët shqiptarë janë në rritje
Ervin Hoxha dhe Martin Keller, tashmë të burgosur, kishin porositur mallin nga një shitës me shumicë që prokurorët e quajnë “Ilir” dhe që punon në një vend që quhet Shqipëri.
“Është e frikshme, një kërcënim për popullsinë dhe ekonominë”, kanë deklaruar prokurorët e Lucernit, gjatë një prezantimi të një raporti vjetor, para gazetarëve.
Prej disa kohësh, autoritetet hetuese kanë vëzhguar se grupet ndërkombëtare të krimit po vendosen në Lucern. Organizata nga Nigeria, mafia italiane, por mbi të gjitha grupe nga Shqipëria, të cilat sipas prokurorit kanë vënë nën kontroll tregtinë ndërkombëtare të drogës.
“Luzerni është tërheqës për ta për shkak të funksionit të tij si qendër dhe vendndodhjes së tij në aksin veri-jug”, deklaron ai.
Kriminelët organizuan tregtinë e drogës nga vendet e tyre të origjinës, teksa erdhën në Lucern si “turistë” dhe organizuan shitje direkte me ndërmjetës vendas.
“Këto grupe punojnë në mënyrë shumë të organizuar dhe shumë profesionale. Kemi të bëjmë edhe me krime të rënda në fushën e trafikimit të qenieve njerëzore dhe pastrimit të parave”, thuhet në këtë raport.
“Forcat e zbatimit të ligjit të Lucernit kanë nevojë për më shumë njerëz për të bërë gjithçka për këto grupe. Aktualisht nuk jemi në gjendje të ndjekim të dhëna të shumta. Thjesht na mungojnë burimet për hetime paraprake proaktive”, tha prokurori i lartë publik, i cili e paraqiti këtë kërkesë në këshillin qeveritar të Lucernit javën e kaluar.
Historia e Ervin Hoxhës dhe Martin Kellerit është vetëm një shembull se si krimi i organizuar me kriminelët shqiptarë i mbajti të angazhuar hetuesit e Lucernit. Në prill, prokurorët njoftuan se kishin shkatërruar një rrjet droge dhe kishin arrestuar nëntë persona, pesë shqiptarë (mes tyre dhe një grua), gjatë një operacioni me policinë federale kriminale dhe zyrën e prokurorisë federale.
Rrjeti i drogës kishte importuar 82 kilogramë kokainë me një vlerë shitjeje prej 6.4 milionë frangash nëpërmjet Amerikës së Jugut dhe Holandës.
Gjysma e parave ishte pastruar tashmë kur rrjeti i drogës u shkatërrua. Kjo është ajo që prokurori e quajti “të tmerrshme” dhe “një kërcënim për shoqërinë dhe ekonominë”.
