Mirësevini në Tiranën e Veliajt, atë që është kthyer në burim ankthi e stresi për çdo qytetar i cili duhet të shkojë në orar në punë apo në shkollë!
Trafiku është bërë diçka normale në Tiranë, jemi mësuar të rrimë me minuta të tëra në një vend pa lëvizur rrota e makinës asnjë centimetër, por çfarë ndodh kur bien dy pika shi?! Një tmerr i vërtetë…
Dy pika shi mjafton që trafiku në Tiranë të paralizohet.
Por çfarë do ndodhte vallë nëse bie pak më shumë shi? Më mirë qëndroni në shtëpi, ose bëhuni gati të dilni tre orë përpara pasi policia e padobishme nuk kryen asnjë funksion në përmirësimin e qarkullimit.
Trafiku në Tiranë është kthyer në makth për qytetarët që detyrohen të presin me orë të tëra të bllokuar në rrugë, teksa qeveria mburret për investime në infrastrukturë.
Trafikun e tmerrshëm e rëndojnë edhe më shumë makinat e tonazhit të rëndë që lëvizin orar pa orar rrugëve të kryeqytetit. Siç shihet edhe në fotot e sjella për Boldnews.al makina e tonazhit të rëndë qarkullon në rrugë në një orar që nuk lejohet duke përkeqësuar edhe më shumë qarkullimin e duke e kthyer jetën e qytetarëve në një ferr të vërtetë.
