Aktori i njohur i humorit, Julian Deda, njëherësh aktivist i Partisë Demokratike i është bashkuar protestës së sotme të opozitës.
Deda në një prononcim për gazetarin Ergys Gjençaj iu bëri thirrje qytetarëve që të marrin pjesë në protestë.
“Kjo protestë është në vazhdën e një serie protestash. Jemi në rrugën e duhur. Të gjithë duhet të dalin ta thonë fjalën e tyre në shesh. I bëj thirrje të gjithëve që të vijnë se nga dhoma e gjumit nuk na dëgjon njeri; I bëj thirrje intelektualëve të dalin dhe ta thonë fjalën e tyre. Sepse duke ndenjur pasiv mund t’i bëjnë shumë dëm vendit. Tani demokratët e kanë vendosur me shumicë votash. Kreu u PD Sali Berisha u vendos, nuk e di pse e vëmë akoma në diskutim vendimin e gjykatës. Në 14 maj, sigurisht do të përfshihem, do të jem në krah të Belind Këlliçit. Do të jenë edhe figura të tjera shumë të njohura dhe besoj do të bëhet një fushatë model”, tha Deda.