Ish-kreu i bandës famëkeqe të Lushnjës, Aldo Bare vijon betejën e tij për të kërkuar ulje të dënimit për sjellje të mirë gjatë qëndrimit në burgun e sigurisë së lartë në Peqin.
Avokati i tij, Oligert Kume, paraqiti ditën e sotme në gjykatën e Elbasanit vlerësimet e sjelljes në burg të Bares, por mbrojtja kërkoi shtyrjen e seancës në datë 3 mars.
“Sot më datë 23.02.2023 u zhvillua seanca e rradhës për të dënuarin me burg përjetë, Alfred Shkurti alias (Aldo Bare) me objekt ulje dënimi viti 2018 sipas parashikimeve te ligjit për të drejtat e të dënuarve!
IEVP Peqin paraqiti vlerësimet e sjelljes për këtë periudhë të kërkuar në objekt kërkese, por vijueshmërisht cënon parimin e barazisë së armëve në procesin gjyqësor, pasi nuk vuri në dispozicion të pales, kopje të aktit!
E për këtë për t’u njohur me përmbajtjen e kësaj prove i kërkuam vënien ne disppzicion te kesaj prove dhe verifikimin e qëndrimit të IEVP Peqin. Seanca e rradhës do zhvillohet në 3 Mars 2023”, thuhej në deklaratën e avokatit Oligert Kume.
Ndërkohë kujtojmë se Aldo Bare është dënuar me burgim të përjetshëm.
