Dy janë rastet tronditëse që janë bërë publike pak ditë më pare ku një 34-vjeçare humbi jetën në Elbasan, pak ditë pasi kishte kryer abortin ndërsa në Tiranë, një tjetër e re ndërroi jetë në maternitetin “Koço Gliozheni” pasi kishte lindur foshnjën e saj dy ditë më pare, kanë sjellë këtë të hënë një protest.
Shoqëria civile doli në protestë përballë maternitetit ‘Koço Gliozheni’ në Tiranë me posterat ‘Neglizhenca e mjekut VRET’.
Vajzat që dolën në këtë aksion, u shprehën se shëndetësia në Shqipëri është në kolaps. Shoqëria civile, thekson se këto ngjarje kanë ndodhur për shkak të neglizhencës dhe faktit të mos pagesës së tyre.
“ Vdekshmëria e nënave është një problematikat kryesore, sidomos për nënat që vijnë nga familjet me të ardhura të ulëta. Të bëhet drejtësi. Në nuk mund të lejojmë që këto situata të përsëriten, cdo grua meriton të trajtohet me respekt. Neglizhenga e mjekëve është e patolerueshme, nuk mund të lejojmë që të humbasim nënat dhe vajzat tona dhe nga neglizhenca e njerëzve në bazë të aftësisë së tyre paguese”, u shpreh një vajzë.
‘Të gjithë kanë të drejtë të marrin shërbim. Do duhet që jo për shkak të parave, gratë të humbin jetën bashkë me fëmijët e tyre. Kodi penal ka ndryshuar nenin penal, tani maksimuni i dënimit është 2 vite burg. Njohim gra që kanë rrezikuar edhe jetën.’ u shpreh vajza tjetër.
