Ditën e sotme në orën 10:00 do të nisë seanca plenare në Kuvendin e Shqipërisë.
Kryefjalë e diskutimeve do të jenë viktimat e Holokausit në kuadër të Ditës Ndërkombëtare të Përkujtimit të Holokausit, ku si fillim do të mbajë fjalën kryetarja e Kuvendit Lindita Nikolla, kryeministri Edi Rama dhe kryetarët e grupeve parlamentare respektive.
Ndërkohë në orën 11:00 mblidhet sërish Kuvendi për të diskutuar një sërë çështjes, ku në rend dite është edhe interpelancë mes ministres Evis Kushi dhe deputetetes Erisa Xhixho. Një tjetër interpelancë është ajo mes ministres së Kulturës Elva Margariti me deputeten Ina Zhupa.
Pa dyshim vëmendje të madhe do të marrin edhe arrestimet që ndodhën në SHBA ku dyshohet se kryeministri shqiptar Edi Rama është implikuar në afera korruptive me mikun e tij dhe njëkohësisht zyrtarin e lartë të FBI-së, Charles McGonigal, tashmë në pranga.
Një nga zyrtarët më të lartë të FBI-së, McGonigal u vendos në dy akuza të hënën në darkë, mes të tjerash, për udhëtime me shpenzime të paguara në Tiranë ku u takua me kryeministrin Edi Rama dhe për marrjen e një shume prej 225 mijë dollarësh nga një shqiptaro-amerikan.
