Kryetari i Partisë së Lirisë, Ilir Meta ka hedhur akuza të forta ndaj qeverisë dhe kryeministrit Edi Rama për keqmenaxhimin e sektorit të energjisë në vendin tonë.
Sipas Metës, KESH duhet të shiste energji ditë më parë dhe në këtë mënyrë do të evitoheshin përmbytjet në zonën e Shkodrës. Meta nënvizoi se mungesa e plotë e ndihmës konkrete për qytetarët e Shkodrës të cilët iu janë përmbytur pronat, shtëpitë është një vepër penale.
“Gjendja e rënduar në Shkoder ku mbi 1400 Ha janë përmbytur është renduar si pasoje e keq administrimit të sektorit energjetik në Shqipëri. KESH dështoi me qëllim në aftësinë rezervuese në Fierzë dhe tani shkarkon prurjet dhe përmbyt pronat dhe shtëpitë e shkodranëve. Kuota maksimale për këtë periudhe lejonte përpunimin e të gjitha prurjeve pa shkarkime. KESH mund të dilte në shitje ditë më parë dhe jo në datë 16 Janar dhe kështu do ishin evitoheshin përmbytjet, shkarkimi pa prodhim dhe humbjet financiare.
Fondet e dhëna nga qeveria për kullimin janë skandaloze dhe kurrsesi nuk mund përballojnë situata të tilla. Problematika me të cilën ne po përballen qytetaret e Shkodrës është hapja në mënyrë të pakontrolluar e portave të kaskadës së Drinit, pasi sasia shume e larte e ujit te shkarkuar është e papërballueshme për sistemin e kanalizimeve. Mungesa e plotë e ndihmës konkrete për qytetarët e Shkodrës të cilët iu janë përmbytur pronat, shtëpitë është një vepër penale”, tha Meta.
