Deputetja e Partisë së Lirisë, Monika Kryemadhi ka folur për denoncimet e bëra në lidhje me inceneratorin e Tiranë, ku sipas saj vetëm në muajin dhjetor janë paguar 54 milionë dollarë nga bashkia.
Kryemadhi tha se investigimi i kryer sa i takon groposjes së mbeturinave tregon të vërtetën se çfarë ndodh më këtë aferë.
Sipas Kryemadhit, faktet e publikuara duhet të shërbejnë si një kambanë alarmi për institucionet e drejtësisë, të cilat i inkurajoi që të veprojnë pa humbur kohë.
“Nuk na kishte mbetur gjë tjetër, por vetëm për ta faktuar atë se çfarë ndodhi. Denoncimi që kemi bërë sa i takon kontratës, tashmë ne e realizuam me fakte se çfarë ndodh vërtet në të gjithë procesin e mbledhjes dhe groposjen e mbeturinave. Ky investigim është bërë për t’i dhënë qytetarëve se çfarë ndodh vërtet. Tashmë ky prezantim i fakteve të reja, mendoj se nuk ka më asnjë lloj dileme, së pari për të hedhur poshtë propagandën dhe nga ana tjetër besoj se vendos para përgjegjësisë të gjitha institucioneve që të reagojnë, e parë p.sh ndërprerja e pagesave”, tha Kryemadhi per Fax News.
Për Kryemadhin “koka” e skemave abuzive të inceneratorëve është vetë kryeministri Erdi Rama, ndërsa emrat e të tjerë janë zbatuesit e tij.
“Mediat vazhdojnë të jenë viktima të propagandës së qeverisë. Çështja e inceneratorit të Tiranës është një padi që përmbledh anën procedurale dhe të gjithë procesin e evazionit fiskal. Ahmetaj ka përgjegjësi të tjera që duhet të shkojë të përballet. Koka e aferës së inceneratorit është Edi Rama, ndërsa zbatuesit janë Erion Veliaj, Bllako, Koka, Ahmetaj etj. E kemi bërë 6 muaj, që makina e propagandës që mos të thoshte se kjo është papërgjegjshmëri e punëtorit, por kjo është çdo gjë e kalkuluar në perfeksion nga Edi Rama”, theksoi Kryemadhi.
Sa i takon abuzimeve me inceneratorët, Kryemadhi tha se janë vënë në dijeni kancelaritë ndërkombëtare për skemat e zhvatjes që qeveria po kryen në bashkëpunim me pushtet e tjera në Shqipëri.
“Janë çuar të gjitha materialet në kancelaritë ndërkombëtare. Kancelaritë e huaja marrin informacion, ushtrojnë presionin e tyre, bëjnë llogaritë dhe qokën e vet. Problemi është se këtu nuk funksionon sistemi i drejtësisë dhe se sa qeveria është arrogante përballë fakteve dhe dokumenteve të bëra publike”, shtoi ajo.
Mes tjerash, Kryemadhi u ndal tek aktualiteti politik si dhe “përplasjet” brenda Partisë Demokratike sa i takon pronësisë së vulës, dhe për to bëri këtë koment: “Parlamentin është totalisht i kapur dhe do t’i duhet kohë që të rikthehet parlamentarizmi. Baza PD është e unifikuar, por mendoj se është marrë peng simboli zyrtar nga Edi Rama dhe çfarëdo që të ndodh vetëm do ti zgjasë agoninë Edi Ramës deri më 14 maj”
