Deputetja e PL-së, Monika Kryemadhi akuzon qeverinë Rama se po grabit çdo ditë qytetarët me vepra korruptive, siç është edhe inceneratori i Tiranës.
Sipas Kryemadhit, “vetëm Bashkia Tiranë ka paguar deri në nëntor 54 milionë dollarë. Këto 54 milionë dollarë shkojnë në një kompani ku pronarët janë në kërkim nga drejtësia shqiptare“.
Deklarata e plotë:
Arroganca e qeverisë dhe gjithë institucioneve që kanë të lidhur me projektin e inceneratorëve sfidojnë drejtësinë e taksapaguesit shqiptarë.
Kjo arrogancë e pashoqë e Ramës kalon cdo limit të moralit politik dhe njerëzor.
Vetëm Bashkia Tiranë ka paguar deri në nëntor 54 milionë dollarë.
Ju rikujtoj dhe një herë që diferencimi i mbetjeve në burim është përgjegjësi ligjore e Bashkisë. Të gjitha mbetjet duhet të diferencohen më parë e pjesa tjetër që nuk diferencohet dërgohet në landfill në pritje të incenerimit.
I bëj thirrje cdo qyetari që që është pjesë e qeverisë, administratës, bashkisë e sistemit të drejtësisë që paguajnë cdo ditë 29 euro tonin, ku 15 euro u vidhet. Më e pakta që mund të bëjnë për moralin e tyre njerëzor politik e juridik të ndalojnë pagesat. Këto 54 milionë dollarë shkojnë në një kompani ku pronarët janë në kërkim nga drejtësia shqiptare.
Do i shkojmë deri në fund, transparenca e zbardhja e një vepre korruptive si është koncensionari i inceneratorëve.
Vepra korruptive të Ramës e qeverisë së tij që fut dorën në xhepin e varfër të qytetarëve duke i vjedhur në cdo sekondë të ditës.
