Ministrja e Arsimit, Evis Kushi u pyet ditën e sotme nga gazetarët për lënien e studentëve jashtë ndihmës ekonomike të ashtëquajtur nga Rama si ‘Pakoja e Madhe’.
Kushi e pranoi se studentët janë harruar por theksoi se qeveria, sipas saj, i ka mbështetur në mënyrë indirekte.
“Studentët mund të mos jenë përfshirë në mënyrë direkte por ata janë përfitues në formë indirekte nëpërmjet prindërve dhe familjeve të tyre. Mbështetja ndaj familjes së tyre është ndihmë edhe për ta, më pak pagesë për energjinë.”- tha Kushi.
Kosova ofroi mbështetje të madhe për studentët e tyre të cilët për të përballuar inflacionin kanë marrë nga qeveria Kurit një bonus me vlerë 100 euro, kurse në Shqipëri askush nuk kujtohet për të ardhmen e vendit të cilët kanë mbetur në mëshirë të fatit dhe shikojnë emigracionin si shpëtimin e vetëm.
