Pavarësisht se vrasjet dhe krimi i organizuar cënon jetën e qytetarëve shqiptarë, për ministrin e Brendshëm Beldi Çuçi nuk bërbën asnjë shqetësim. Pavarësisht numrit të lartë të vrasjeve të cilat kanë mbetur pa u zbardhur dhe pa autor përgjegjës, sipas Çuçit, 2022 është një vit suksesi me më pak vrasje.
“Vrasjet me dashje gjatë 2022, 43 vrasje me dashje, një rekord. Numri, të paktën këto vitet e tranzicionit, me kompetencë ju them se viti 2022 ka qenë viti me më pak vrasje në Shqipëri. 107 ishte në kohën kur morëm qeverisjen. Viktima nga vrasje me dashje, 49 viktima, krahasuar me 104 në vitin 2013. Vjedhje me armë 11, 96 në 2013-ën. Nuk është për të parë anën e mirë në cilësinë e Ministrit të Brendshëm, por duhet të dimë nga vijmë për të shtruar rrugën para. Aksidente rrugore, 2057 në 2013, 1165 në vitin 2022, po t’i shtojmë dhe faktin se numri i automjeteve në qarkullim është shumë më i lartë, atëherë indeksi është mbresëlënës, 3 herë më pak”, tha Cuçi.
- Të dhënat KONTRADIKTORE:
Shifrat duket se nuk janë “arma” më e mirë as e Ministrisë së Brendshme dhe as e kryeministrit Edi Rama. Në mbledhjen e bërë me ministrat e kabinetit pak ditë më parë, Rama nxorri në rrjetin e tij social në Facebook, se përgjatë vitit 2022 ishin shënuar 43 viktima nga vrasjet me dashje. Shifër që e krahasoi me 112 që gjeti në vitin 2013 kur edhe mori mandatin.
Sot, në një konferencë me gazetarët, ministri i Brendshëm, Bledi Çuçi dha të tjera shifra, më të larta se ato të numrit një të qeverisë. Sipas tij, viti 2022 u mbyll me 49 viktima, nga 124 që shënohen në vitin 2013.
Edi Rama: #FAKT kuptimplotë që na jep një shembull flagrant të hendekut mes jehonës shurdhuese mediatike dhe realitetit të rënies së vijueshme të krimit. Në 2022 numri më i ulët i vrasjeve në tre dekadat e fundit. #KUJTESË: Kur ne e nisëm përpjekjen kundër krimit, vrasjet ishin 112 në harkun e një viti dhe si rregull mesatarja ishte 100 në vit. #Normale, dihet që më e keqja harrohet shpejt, e mira s’ka fund kurrë dhe nga ana tjetër, padiskutim, ka ende shumë për të bërë.
Cilat shifrave iu referua kryeministri Rama për vrasjet? Se qartësisht nuk janë të Ministrisë së Brendshme, pasi Çuçi doli me shifra krejt të ndryshme.
Vitet e fundit policia ka bërë hapa pas duke u renditur një vend i pasigurt nga raportet ndërkombëtare. Vlen të theksojmë që uniformat blu nuk kanë arritur që të zbardhin asnjë nga pengmarrjet, zhdukjet misterioze dhe deri tek vrasjet e bujshme të viteve të fundit të cilat kanë tronditur opinionin publik duke shtuar pasiguri tek qytetarët.
