Federata Angleze e Futbollit ka nisur një hetim për ndeshjen e Arsenalit ndaj Oxford, e luajtur mbrëmë dhe e vlefshme për Kupën.
Topçinjtë kaluan në raundin e katërt të kompeticionit me një sukses relativisht të thellë, 3-0, ndaj ekipit të Ligës së Parë. Pavarësisht këtij rezultati, kjo ndeshje ka përfunduar në qendër të vëmendjes.
Shkak është bërë kartoni i verdhë i futbollistit të Oksfordit, Kieron Brown, teksa ishin vendosur shuma të mëdha për një variant të tillë.
Brown nuk është një futbollist që bën një lojë të ashpër, ndaj sipas statistikave, ai është ndëshkuar një herë në 801 minuta lojë.
Rreth lajmit ka reaguar Oksford: “Oxford United mund të konfirmojë se ata janë vënë në dijeni për një pretendim specifik për baste të parregullta rreth ndeshjes sonë në FA Cup kundër Arsenalit të hënën në mbrëmje.
“Klubi do të bashkëpunojë plotësisht për çdo hetim dhe për momentin nuk do bëjë ndonjë koment tjetër”.
