Prokuroria ka nisur verifikimet në lidhje me pasurinë e Alda Klosit, zyrtares së lartë, e cila ra prej e vjedhjes nga pastruesja e saj.
SYRI TV ka mundur të sigurojë skedën e pasurive të paluajtshme që disponohen nga zyrtarja Alda Klosi, e cila denoncoi vjedhjen mijëra eurove nga pastruesja Rozeta Dobi dhe djali i saj Havier Dobi.
Nga të dhënat e Kadastrës rezulton se Klosi është pronare ose bashkëpronare e 7 pasurive të paluajtshme në Tiranë dhe Shëngjin.
Klosi rezulton pronare e dy apartamenteve në Shëngjin me sipërfaqe 94 m2 dhe dhe 42 m2, ku sipas të dhënave është bërë pronare e pasurive përmes kontratave të dhurimit. Nuk dihet se kush dhe në çfarë rrethanash dy apartamentet i janë dhuruar Klosit.
Gjithashtu ajo është bashkëpronare e tre apartamenteve në Tiranë me sipërfaqe, 47 m2, 54 m2 dhe 50.8 m2 në Tiranë.
Nga të dhënat e Kadastrës, Klosi rezulton bashkëpronare edhe e dy sipërfaqeve trualli në Tiranë 216 m2 dhe 160 m2.
Ajo ka në pronësi dhe një fuoristradë tip Toyota RAV4, e vitit 2013.
