Kreu i PD-së, Sali Berisha ka postuar në Facebook një video të Erion Veliajt në një nga takimet e tij të fundit elektorale lidhur me dëbimet e banorëve nga shtëpitë e tyre dhe protestat që pasuan.
Krahas videos Berisha shkruan: “A mund të ketë emër tjetër cinizmi dhe pafytyrësia njerëzore?!”.
Në video, Veliaj shprehet: “Ja, po ju sfidoj sot, shkoni e pyesni nënë Lizën, ikona e Partisë Demokratike; çunat e vet të OFL-së me 20 “reinxh rovera” organizuan gjithë dynjanë aty. Nënë Liza firmosi 500 metra katrorë të Stefano Boerit tek “5 Maji” kur e kuptoi se nuk e ndalon dot progresin”.
Bashkangjitur me deklaratën e Veliajt ishte dhe deklarata e zonjës Lizë Marku, së cilës bashkia ia shembi shtëpinë në rrugën “5 Maji”dhe nuk iu premtua asnjë tjetër. Ajo e rrëzoi publikisht, mashtrimin që u bë në emrin e saj.
“Nënë Liza, ke firmosur, a ke marrë ndonjë metër siç thotë ai?” – u pyet ajo.
Edhe ky popull të mos i besojë Erion Velisë, se ai thotë “shkoni e pyetni Lizën”! Unë nuk kam marrë asnjë gjë! Ta dijë krejt populli ku të jetë jetë!” – theksoi znj.Lizë Marku.
