Nga Basir Çollaku
Nuk ka të bëjë më qasje gjinekologjike, por përkon me një krahasim leksikor, lidhur me plaçkitjen kriminale elektorale e cila ka nisur agresivisht, ku kryeson Tirana e në rradhë rrethet e tjera. Të dhënat zyrtare nga INSTAT, shënojnë rritje masive punësimesh, fryrje administrate, në nivel qendror dhe lokal, me një panevojshmëri ekstreme. Po të shohësh ndërmarrjet e administruara nga bashkia, si ato të gjelbërim-pastrimit, ujësjellësi, kërcasin keqas shifrat. Mosbefasues është fakti, se kandidati Veliaj ka nisur blerjen me taksat tona të pushtetit të tij. Në këtë skemë paguajnë dhunshëm opozitarët për të fituar kundërshtari. Ky devijim parash publike është vepër penale prokurorë të dashur. Këta punonjës zgjedhorë, paguhen nga të ardhura publike, në shërbim të partisë komuniste. Socialistët nuk kanë kokërr lidhje me këtë histori. Janë adminsitratorë pallatesh me mijëra, patronazhistë të thekur, të tjerë punësur, në ujësjellës, OSHE, KESH, POSTA, të cilët vetëm marrin pagat, po vështirë të dinë se ku punojnë. Ofertat janë të shumta madje edhe informale në shumë raste. Patronazhistet nën bekimin e kryeministrit e kryebashkiakut, kanë nisur prej muajsh sulmin e blerjes me qoka financiare të kundërshtarëve, potencialisht vota kundër tyre. Opozita, duhet të mbikqyrë patronazhistët në veprimet e tyre në terren dhe t’i kallzojë në Prokurori, në atë prokurori që kemi dhe siç e kemi. Pavarësisht pavarësisë së cunguar shëmtuar e të mbrapshtë të saj, kjo e shoqëruar me denoncime publike, për ta vënë në hetimin në presion pozitiv. Nëse nuk bëjnë gjë institucionet, atëherë të përdoren edhe mjete jo fort demokratike për t’i ndaluar me çdo kusht. Belind Këlliçi kandidati zyrtar i PD dhe opozitës, ka nsiur në orët e para të marrjes së votëbesimit denoncimet konkrete në terren. Ato që duheshin bërë nga mediat, por fatkeqësisht 95 përqind e tyre, kanë bordero Ramën dhe Veliajn. Ky denoncim është domosdoshmëri. Por gjithashtu aktiv në qëndrime të ngjashme kallzuese, denoncuese, kanë qenë bashkëkandidatët Gert Bogdani, Ilir Alimehmeti, Adriana Kalaja, Julian Deda, Enkelejda Fejzo, e Fatmir Koçi. Opozita duhet të jete agresive në bllok. Fraksionet apo servilat e urtuar janë mercenarë nëse heshtin. Nuk është herët. Në raport me pushtetin mbështetës për Ramën dhe Veliajn, një pushtet kriminal, mafioz, financiarisht i frikshëm, duhet një përballje e egër. Veliaj është kandidati vrasës për Tiranën. Eshtë modeli se si nuk duhet të jetë kryebashkiaku. Eshtë njeriu që duhet izoluar e larguar me çdo mjet nga zyra e bashkiakut. Eshtë pushtetari që ka përkeqësuar jetësën në kryeqytet në nivele ku shifrat që rriten, kryesoshen nga ato të vdekjes. Kjo, falë kanibal-menaxhimit të qytetit e parasë së qytetarëve.
Mandat qelie
Përse banda, mafiozë, kriminelë, pastrues parash, janë hedhur në luftë për të mbajtur në të njëjtën zyrë në Tiranë, garantuesin e parasë së vjedhur bashkërisht? Përse Erion Veliaj, ka angazhuar makinën e çdo qelize pushteti dhe botës së zezë, të kontrolluar prej tij dhe shefit të tij, për të marrë me çdo kusht edhe një mandat?
A po kërkon Erion Veliaj të shpëtojë nga arrestimi, ndjekja penale, dënimi me heqje lirie, për veprime e mosveprime në detyrën e konsumuar deri më tani në tetë vite?
A po përdor ndikimin ekstrem të Aleks Soros e shpurës së promovuar prej tij në pushtetin e drejtësisë demek të re, për të mbijetuar dhe mos u përballur?
A ishte vizita e pisët e ish-kreut të delegacionit të BE Luigi Soreca, në Gjykatën Kushtetuese, pak orë para marrjes së vendimit për Teatrin Kobëtar, një mbrojtje flagrante e paligjshme për kumbarën Veliaj?
A po përpiqet të shitet sulmi ndaj ish-ministrit Arben Ahmetajt se kush del nga gardhi mbrojtjes së tij bëhet shenjestër e SPAK, ndonëse kjo prokurori, duhej me kohë të kishte hetuar shumë emra qeverie, të cilët flenë qetësisht?
A po vijon ndërtimi i Teatrit Kombëtar në një thes shkeljesh ligjore, ku atributet e komandimit, sërish i merr bashkia, ndonëse Veliaj dhe shumë emra të ministrisë përkatëse e qeverisë duhej të ishin të pandehur?
A është një ndikim i paligjshëm ambasadorësh të BE dhe tej Atlantikut, tek harlisen krahaqafë me Velijan, kur kanë dijeni se ka dosje në Prokurorinë Antikorrupsion, ku bashkiaku është pjesë e hetimit?
A është inceneratori i Tiranës një mollë sherri, një gropë e stërmadhe financiare qindramilionë euroshe, tek ende paguhen mbi 80 mijë euro në ditë, ku Veliaj duhet të ishte i pandehur, pasi një sërë shkresash konfirmuese të shkeljeve ligjore firmosur prej tij? Shkresa të dala në medie dhe ende asnjë prokuror nga SPAK, nuk ka mbërritur në zyrën e tij, për këtë çështje. Fatkeqësisht ASNJE. Dhe vështirë të mbërrijë, siç duken gjasat. Por duhet pritur. Kjo është prova për të nisur kthimin e besueshmërisë së Prokurorisë.
Edhe për dosjen e ndërtimeve ku Ndrangheta kërkonte këto pallatet shumëkatëshe ne qendër të Tiranës, dhe drejtori afër kryebashkiakut, sipas përgjimeve të antimafias kishte ujdisur ziafetet, prej dy vitesh ka heshtje e mosveprime. Edhe për atë kryepolicin në Tiranë, ende diku kryepolic, ngrënës i “mishit të derrit”, shpërblesave të majme, i kishte lënë të punonin të qetë një hiç kemi si rezultat?
Masakra e re elektorale për Tiranën e nisur nga Veliaj dhe Rama, të cilët po ndeshen edhe në vatrën e Soros, kush të jetë shefi nesër, e kush të ikë sot, duhet të jetë hetim emergjent, nëse do na duhet të kemi nesër kryeqytet jo të privatizuar nga Mafia.
Ka mijëra arsye përse një i pandehur si Erion veliaj, nuk duhet të jetë në atë zyrë.
SPAK-ut i mjafton vetëm një. Sigurisht Prokuroria mund edhe të na bindë se opinioni publik apo pak medie denoncuese nuk kanë të drejtë. Por duke bërë transparencë të detajuar për këto dosje e shumë të tjera në arkiva, pas hetimit të thelluar. Nëse nuk e bën, SPAK, do të kompromentohet, duke u kthyer fatkeqësisht, si zyrë juridike e bashkisë së Veliajt.
Mos dashtë Zoti të ndodhë..
