67-vjeçari, Mario Rogero, ndoqi dhe vrau dy grabitës të cilët hynë në dyqanin e tij dhe tentuan të arratiseshin me bizhuterit e vjedhura.
Videoja e kamerave të sigurisë tregon momentin kur grabitësit hynë në argjendarinë pasditen e 28 prillit. Tre grabitësit që kishin thika dhe një armë, e cila më pas rezultoi e rreme, kërcënuan se do të vrisnin 67-vjeçarin.
“Më vjen keq që ndodhi, por ose unë ose ata. Me dorën e djathtë hapa arkën dhe me të majtën një sirtar që e dija se kishte armën time”, tha argjendari pas arrestimit.
https://youtu.be/o2srzqC2zpE
Sipas mediave vendase argjendari që ka ndjekur grabitësit, ka qëlluar pesë herë, si pasojë e të cilit dy nga grabitësit kanë rënë të vdekur pak metra larg argjendarisë, ndërsa i treti është plagosur dhe është dërguar në spital
Vihet re se biznesi i 67-vjeçarit kishte qenë edhe në shënjestër të grabitësve në maj të vitit 2015 kur dy grabitës, njëri prej të cilëve ishte maskuar si grua, e lidhën dhe e rrahën brutalisht.
