Orjela Nebijaj është betuar këtë të hënë në Kuvendin e Shqipërisë, duke u bërë kështu deputete e Partisë Demokratike.
Përmes një postimi në rrjete sociale, moderatorja ka bërë reaguar për mandatin: Me bekimin e Zotit, uroj të bëhet më e mira për të gjithë ne.
Ori hoqi dorë nga moderimi për t’ju futur politikës pak javë më parë duke zëvendësuar në listën e Partisë Demokratike, Grida Dumën.
“Mbledhja shqyrtoi vendimin nr. 211, datë 01.12.2022, të Komisionit Qendror të Zgjedhjeve “Për dhënien e mandatit të deputetit të Kuvendit kandidatit të listës shumëmërore të Koalicionit “Partisë Demokratike – Aleanca për Ndryshim” , qarku Tiranë, z. Petrit Dine Doda, si edhe vendimin nr. 212, datë 01.12.2022, të Komisionit Qendror të Zgjedhjeve “Për dhënien e mandatit të deputetit të Kuvendit kandidatit të listës shumëmërore të Koalicionit “Partisë Demokratike – Aleanca për Ndryshim”, qarku Tiranë, znj.Orjela Luftar Nebijaj”, thuhet në njoftimin e Kuvendit.
Nebiaj ishte renditur e 18 në listën e PD-së, por pas rirenditjes në bazë të votave preferenciale ajo u ngjit një vend më sipër.
