Nënkryetari i PD, Luçiano Boçi, gjatë mbledhjes së grupit parlamentar në selinë blu, ka akuzuar kryeministrin Rama për kërcënim dhe shantazh të medias së lirë.
Gjatë fjalës së tij Boçi përmendi shembjen e “Prestige Resort”, teksa tha se ky ishte rasti që i jep fund dilemave për pak drejtësi dhe pak liri për mediat në Shqipëri.
Ndër të tjera, ai tha se Rama i ka shpallur luftë me tritol e shantazhe opozitës, qytetarëve dhe medias së lirë.
Boçi: “PD dënon me forcë dhe ashpërsi çdo sulm ndaj autoriteteve kosovare dhe shpreh vendosmërinë për të ndaluar çdo skenar që tenton të shkaktojë destabilitet në rajon. Rama i ka shpallur luftë me tritol e shantazhe opozitës, qytetarëve dhe medias së lirë. Shembja e “Prestige Resort” ishte fundi i dilemave për pak drejtësi dhe pak liri për mediat në Shqipëri”.