Krahas videos ku është sulmuar gazetarja në veri të Kosovës, kreu i Partisë Demokratike Sali Berisha shkruan se dënon me forcën më të madhe aktet terroriste të bandave kriminale serbe.
Berisha thekson se këto sulme janë të dirigjuara direkt nga Beogradi ndaj policisë së Kosovës për të bllokuar rrugët. Ai e mbyll shkrimin e tij në Facebook duke i bërë thirrje ndërkombëtarëve të ndëshkojnë këto veprime nxitëse të Vuçiçit.
“Serbomadhi Vuçiç vazhdon haptas përpjekjet për destabilizimin e Kosovës. Të dashur miq, banda të armatosura kriminale serbe të orkestruara direkt nga Beogradi sulmuan gjatë natës me bresheri njësitë në detyrë të policisë së Kosovës dhe hodhen granata kundër njësive të Euleksit, gazetarëve dhe ekipit të Televizoinit Dukagjini të Prishtinës në Rudar të Zveçanit. Këto banda kanë bllokuar rrugë kryesore në veriun e vendit. Dënoj me forcën më të madhe këto sulme terroriste dhe destabilizuese të bandave kriminale serbe të dirigjuara direkt nga Beogradi ndaj policisë së Kosovës, misionit të Euleksit mediave si dhe bllokimin banditesk të rrugëve. Mbështes plotësisht autoritet e Kosovës në qëndrimez e tyre për garantimin e integritetit teritorial, sovranitetit, rendit, sigurisë së vendit të tyre. I bëj thirrje komunitetit ndërkombëtar të ndëshkoj qëndrimet luftënxitëse të kordinuara me Kremlinin të presidentit të serbomadhisë Vuçiç dhe bandave të tij kriminale në veriun e Kosovës”-shkruan Berisha.
