Nga Boldnews.al
Në oazin e Rilindjes mezi e kanë pritur këtë ditë, ku 27 liderët politik të vendeve të Bashkimit Europian do mbërrijnë në Tiranë në mbajtjen e Samitit me shtetet e Ballkanit Perëndimor. Diskutimet brenda qeverisë është sesa do mbajë propaganda e tyre për ato katër orë takim. Katër muaj, gjashtë, apo më shumë? Në fakt, e gjithë tollumbacja mund të shfryhet në pikën katër të diskutimit, në orën e katërt të samitit dhe me “notën 4” që do i vihet qeverisë sonë.
Vetë BE ka zbardhur agjendën e takimeve dhe disktimeve. Në pikën katër të temave që do trajtohet, që është e fundit, por e para për nga rëndësia, mbetet çështja e emigracionit. Do të diskutohet menaxhimi i emigracionit, ku udhëheqësit do të shkëmbejnë pikëpamjet për trajtimin e përbashkët të problemit që është gjithnjë e më shumë në rrije. Kjo pikë përfshin harmonizimin e politikës së vizave të BE-së dhe bashkëpunimin në sistemet e kthimit.
Pikërisht këtu Rama do heshtë si statujë sepse nuk ka çfarë të thotë. As kollarja e veçantë që do mbajë, as kostumi që do veshë, e as fjalët pa pikë e presje që dalin nga pjesa që në letërsi njihet si shanër i “përroit psiqik”, nuk do e shpëtojnë nga fenomeni masiv që ka përfshirë vendin, emigracionin e paligjshëm dhe mjaft të rrezikshëm.
Ndërsa në samit mund të flitet për këtë temë, diku në Kanalin La Mansh mes Francës dhe Anglisë do jetë duke kaluar një gomone me të rinj shqiptarë. Pak më tej një kaion mban frymë të qytetarëve tanë që shpresojnë se duke kaluar në Angli të gjejnë shpresën dhe mundësinë për të jetuar të lirë.
As “kinse patriorizmi” i Ramës që i kërkoi ministers së brendshme Angleze të kërkojë falje për zhargonin ndaj shqiptarëve nuk do e bëjnë aq tërheqës, kur të dalin shifra për emigracionin e paligjshëm. Të rinjtë po ikin duke shkretuar vendin.
Më shumë se për çështje ekonomike po largohen nga mungesa e shpresës, pabarazia para ligjit, korrupsioni i madh në nivelet e larta qeverisëse, drejtësia e shtrydhur nga pushteti dhe mungesa e shërbimeve të nevojshme si në shëndetësi apo arsim.
Propaganda ka një limit që të turbëllon mendjen për disa kohë, por barkun nuk ta mbush e aq më pak shpresën se e ardhmja do të jetë më mirë. Pikërisht për këto arsye dhe shumë të tjera të rinjtë po largohen në një rrugë fort të rrezikshme duke rikthyer eksodet e fillim viteve 90’. Rama e gjeti gati lëvizjen e lirë të shqiptarëve brenda zonës Shengen në Europë, por tashmë si “lider global” që e tenton të vetëquhet, po rrezikon edhe rikthimin e regjimit të vizave.
Gomones me emigrantë që kanë mësyrë mes rrezikut të jetës Anglinë, Rama nuk ka si ti mbulojë. Pavarësisht tentativës për ta minimizuar, duke përdorur strategjinë se “emigracion ka kudo”, nuk mundet të bindë asnjë lider të vendeve të BE-së.
Poturet patriotike e shumta mund të ngjajnë gajasje dhe “prishje mendje” deri në Babrru ku është qendra e Azilkërkuesve të huaj, deri në Maminas ku ndodhet kampi i Muxhahedinëve, apo në një hotel në Shëngjin ku gjendet qytetarë të Afganistanit. Liderët e BE-së nukl hipin në “gomonen” e Ramës, e aq më pak në skafet luksoze të njerëzve të pushtetit që marrin jetë të pafajshme në brigjet e detit.
