Kreu i PD-së, Sali Berisha ka reaguar ashpër pas publikimit të fotove ku ngjitur me fanellat e lojtarëve të Serbisë në Katar u vendos harta e Kosovës me flamurin serb të mbivendosur.
Përmes një postimi në rrjete sociale, Berisha kërkon përjashtimin urgjent të Serbisë nga kampionati botëror, ndërsa hedh akuza dhe ndaj kryeministrit, Edi Rama i cili sipas tij po hesht përballë këtij akti të rëndë.
Postimi i plotë:
“Shpërthim racizmi antishqiptar i ekipit të ultranacionalist serb në Katar. Dënoj me ashpërsinë më të madhe këtë akt primitiv të ekipit serbomadh të Beogradit dhe kërkoj përjashtimin e tyre urgjent nga kampionati. Dënoj heshtjen e turpshme të vasalit të Aleksander Vuçiçit, Edi Rama”.
