Kryetari i Grupit të Partisë së Lirisë, Petrit Vasili është larguar nga Kuvendi në momentin që kryeminsitri Edi Rama mori fjalën në seancën e përbashkët me deputetët e Kosovës.
Jashtë Kuvendit, Vasili theksoi se Rama duhej të deklaronte daljen nga Ballkani i Hapur, por kjo gjë nuk u bë pasi ai i shërben Vuçiçit.
Vasili: Braktisa fjalën e Ramës sepse mendova se Rama do deklaronte daljen nga Ballkani i Hapur që është tradhëtia më e madhe ndaj Kosovës, por ai si peng i Vuçiçit nuk e bëri.
Rama duhej të deklaronte heqjen e traut për vëllezërit dhe motrat nga Kosova, ku edhe deputetet mysafire nga Kosova kanë paguar Ramën dhe oligarkët për të ardhur në tokën amë.
Rama u shërben vetëm interesave të Beogradit.
Sa kohë të jetë Rama kryeministër këto takime do të jenë jo të sinqerta sepse ai i shërben Vuçiçit dhe izolimit të Kosovës.
Ndaj sot Rama thjesht vazhdoi lojën e pabesë anti-Kosovë dhe humbi rastin për të shplarë disa faje të rënda qe bien mbi të.
