Ndërron jete ne spital 89-vjecari Çaush Shehaj, i cili ra pre e grabitjes me arme ne banesën e tij në fshatin Klos të Mallakastërës.
Raportohet se i moshuari nuk u ka mbijetuar dot plagëve si pasojë e goditjeve të forta nga ana e grabitësve të cilët pasi ushtuan dhunë nën kërcënimin e armëve në banesë vodhën vetëm 5 mijë lekë.
Si ndodhi ngjarja?
Ervis Halimi dhe Musa Gudo janë arrestuar këtë të diel nga policia e Mallakastrës si autorë të dyshuar të vjedhjes së ndodhur ditën e djeshme në fshatin Klos.
Këta dy shtatas mëngjesin e djeshëm, 19 nëntor, në orën 02:30, në fshatin Klos, Mallakastër, nën kërcënimin e armës së zjarrit, i morën me dhunë një shumë parash, shtetasit Ç. Sh., 89 vjeç, i cili ndëroi jetë në spital.
Gjithashtu, u procedua penalisht në gjendje të lirë shtetasi F. Ç., 16 vjeç, banues në Roskovec, për veprën penale “Moskallëzimi i krimit”.
“Bazuar në provat e grumbulluara, shërbimet e Komisariatit të Policisë Mallakastër, në ndërveprim me të gjitha strukturat e DVP Fier dhe në bashkëpunim të ngushtë me Prokurorinë pranë Gjykatës së Rrethit Gjyqësor Fier, organizuan dhe finalizuan operacionin policor të koduar “Klosi”, në kuadër të të cilit u bë kapja dhe arrestimi në flagrancë i shtetasve: E. H., 22 vjeç, banues në Fier dhe M. G., 28 vjeç, banues në Portëz, Fier”, njofton policia.
Në cilësinë e provës materiale u sekuestrua arma e zjarri tip automatik me një krehër me fishekë me të cilën dy të rinjtë terrorizuan të moshuarin.
