Një shqiptar i dyshuar si vrasës i dyfishtë po përballet me ekstradimin për herë të dytë nga Britania e Madhe pasi hyri fshehurazi dy herë dhe mori nënshtetësinë me një emër të rremë.
Sipas “Dailymail“, Ilirian Zeqaj, 50 vjeç, dyshohet se qëlloi dy burra në fshatin shqiptar të Cakran në vitin 1999, por shkoi në Britaninë e Madhe pesë muaj më vonë dhe kërkoi azil me emrin Klemend Zeqaj duke u hequr si refugjat kosovar.
Dhe pavarësisht se ishte një nga të arratisurit më të kërkuar në Shqipëri, atij iu dha leja e përhershme për të qëndruar në vitin 2005 dhe shtetësia britanike vitin e ardhshëm.
Ai u dënua në mungesë të tij për dy akuza për vrasje në vitin 2002 dhe u dënua me 23 vjet burg. Zeqaj, i cili ka tre fëmijë, përfshirë një vajzë që ndjek studimet në Universitetin e Kembrixhit, më në fund u gjurmua nga policia britanike në vitin 2011 dhe u ekstradua në Shqipëri dy vjet më vonë për t’u përballur me një rigjykim, por u lirua nga akuzat dhe u kthye menjëherë në Britani.
Por Gjykata e Lartë e Shqipërisë më vonë zbuloi se gjyqi ishte i korruptuar dhe vendimet e pafajësisë nuk ishin të sakta.
Gramoz dhe Shkëlqim Llanajt, vëllezërit u vranë në shtator 1999, rrugës për në postën e fshatit në një sulm hakmarrës të dyshuar për vrasjen e një anëtari të familjes Zeqaj.
Në shkresat ligjore të depozituara në Gjykatën e Lartë të Shqipërisë thuhet: Në një moment kanë dëgjuar të shtëna armësh dhe nga vendi ku janë vendosur kanë parë të pandehurin Ilirian Zeqaj me automatik në dorë, i cili menjëherë pas të shtënat është larguar në drejtim të shtëpinë e tij.
Zeqaj u paraqit në Gjykatën e Magjistraturës së ëestminsterit më 10 tetor dhe më pas do të paraqitet më 30 janar, kur edhe do merret vendimi për të. Avokatja e tij, Louisa Collins, argumentoi se ai ishte liruar tashmë nga vrasjet.
