Kryeministri Edi Rama nga Beogradi i është përgjigjur opozitës lidhur me portin e Durrësit.
Sipas Ramës, të gjithë reagimet e opozitës janë politike për të fituar vota, pasi siç shkruan ai, opozita i trembet se nuk do ta marri më Durrësin në zgjedhje.
“Po filloi Porti Turistik s’e marrim më kurrë Durrësin!” është fjalia që shkëmbejnë më shpesh maskaragjozët e Aleancës së Rublave dhe hajde më thoni pastaj që s’janë pa fe, pa atdhe, pa besë e pa din dhe as iman!” shprehet Rama.
Ditët e fundit ka pasur reagime të forta mes opozitës dhe mazhorancës për shkak të projektit të portit të Durrësit. Kreu i PD-së, Sali Berisha e ka konsideruar këtë projekt si aferën më të rëndë të ndodhur në historinë e Shqipërisë duke akuzuar kryeministrin Rama si përfitues të miliona eurove në mënyrë korruptive. Kujtojmë që Edi Rama ndodhet në Beograd ku po merr pjesë në takimin me liderët e Ballkanit Perëndimor në kuadër të krizës së energjisë elektrike.
