Gazetarja Klodiana Lala ka dhënë dëshmi tronditëse mbrëmjen e sotme, për rrahjen barbare të vajzës keniane në Tiranë.
Sipas saj, e reja që punonte në një kazino në Tiranë, ka tre brinj të thyera e trauma në tru dhe ka kaluar në koma të pakthyeshme.
“Janë kërkuar pamjet e një Ambasade në Tiranë. Se hosteli ku ajo qëndronte, është pranë një ambasade. Rruga është një rrugë qorre dhe personi që e ka dhunuar ka pasur informacione. Dy telefonat e saj kanë qenë pa asnjë kontakt, të gjitha të fshira. Shoqja e saj ka thënë se dritaret kanë qenë të mbyllura, pra nuk ka pasur mundësi të hidhej.
Pranë trupit të vajzës është gjetur një shiringë dhe në dhomë është gjetur një shishe alkoli. Por nga personat që e njihnin, kanë thënë se ajo nuk konsumonte as drogë dhe as alkol. Xhoisa ka tre brinjë të thyera dhe trauma në kokë/tru. Ajo është në koma të pakthyeshme dhe unë mendoj se nuk mund të rikuperohet më. Nuk është sqaruar roli i shoferit, që thotë se janë ndarë dhe nuk kishin më lidhje. Ndërkohë nga sms-të që ajo u ka dërguar shoqeve të saj, u ka thënë se ai ishte bërë posesiv, nuk donte të dilte, të mos fliste me njeri. Po ashtu, Xhoisa ka ndërruar disa hostele dhe kazino, për shkak të një konflikti me një shoqen e saj, po nga Kenia”, u shpreh gazetarja Klodiana Lala.
