Ish-kryeministri, Sali Berisha, u ka bërë thirrje ndërkombëtarëve, nga protesta të mos mbështesin regjimin e Edi Ramës.
Ai ju bëri të qartë partnerëve europianë dhe amerikanë se pa votën e lirë nuk mund të ketë stabilitet në Shqipëri.
“Një mesazh për miqtë, partnerët e Shqipërisë. Opozita shqiptare ka trashëgiminë më të shkëlqyer të bashkëpunimit me ju, vende anëtare të BE, vende anëtare të NATO-s, partneri strategjik kryesor i shqiptarëve SHBA. Sot ju bëj thirrje: Mos mbështetni regjimin e Edi Ramës sepse Edi Rama është armik i votës së lirë të shqiptarëve. Çdo mbëshetje për të është ndëshkim për shqiptarët. Nga ky shesh dua tu deklaroj se Shqipëria nuk do të ketë kurrë stabilitet pa votën e lirë të qytetarëve shqiptarë”.
Berisha gjithashtu u bëri thirrje të kursejnë fondet e taksapaguesve të tyre nga vjedhja e qeverisë Rama.
“Atyre që shohin shqiptarët të largohen me mijëra e mijëra nga vendi i tyre dhe që mendojnë se vërtet largohen nga varfëria u them njerëzisht: Ruani fondet tuaja, ruani fondet e taksapaguesve tuaj dhe mos ja jepni kësaj qeverie se do të kenë fatin e fondeve, taksave dhe tatimeve që shqiptarët paguajnë dhe vetëm vidhen nga Edi Rama dhe qeveritarët e tij”.
Berisha komentoi edhe gjuhën fyese të Ramës në Kuvend.
“Për atë gjuhë mund të përgjigjemi me të gjitha mënyrat që meriton por po të komunikoj sonte këtu se vendimi është marrë dhe është tjetër. Atje së shpejti do të vijë gjykatësi sovran, priti aty se i kanë dy fjalë me ty”.
