Kryetari i Partisë Demokratike, Sali Berisha edhe një herë ka përsëritur thirrjen që shqiptarët t’i bashkohen protestës kombëtare të 12 nëntorit përballë Kryeministrisë.
Berisha ka publikuar në rrjetet sociale një video ku flamuri shqiptar shfaqet i ngjyrosur dhe mbulohet me bojën “mavi” që simbolizon “Rilindjen” e Edi Ramës. Me këtë video, Berisha ka dashur të tregojë në mënyrë simbolike se interesat e militantëve të Partisë Socialistëve, patronazhistëve dhe qeveritarëve janë më të mëdha krahasuar me flamurin shqiptar.
Prandaj Berisha ka kërkuar nga shqiptarët e zakonshëm që përtej partive politike të dalin dhe të protestojnë për t’i kërkuar “llogari” Edi Ramës për rritjen e çmimeve të ushqimeve dhe naftës, shpopullimin e vendit, aferën e inceneratorëve, korrupsionin e qeverisë dhe mënyrën e papërballueshme të jetesës në vendin tonë.
“12 nëntor, ditën e shtunë, ora 16:00 , Tirana dhe mbarë Shqipëria në protestë para kryeministrisë”, shkruan Sali Berisha teksa poston videon më poshtë.
