Senati Akademik i Universitetit të Tiranës ka miratuar rritjen me 8% të pagës së pedagogëve. Tashmë, që ky vendim të hyjnë në fuqi duhet që të merret miratimi nga Bordi i Administrimit të Universitetit të Tiranës.
Kujtojmë se pas nisjes së protestës së pedagogëve, qeveria e vendosi tavanin për rritjen e pagave deri në 15 për qind. Nga ky 15%, 7 për qind do të sigurohej nga buxheti i shtetit dhe pjesa tjetër nga vetë universitetet.
Megjithatë, pedagogët e kanë bërë të qartë që oferta për rritje deri në 29 për qind të pagës ata nuk do të pranojnë pasi duan që niveli i pagesës të jetë i njëjtë me vendet e tjera të rajonit.
Si ministrja Evis Kushi, ashtu edhe kryeministri Edi Rama janë shprehur se pedagogët duhet të rrisin përpjekjet e tyre që të rrisin performancën e universiteteve dhe kapacitetet për të siguruar më shumë fonde nga BE.
Gjithashtu kryetari i Partisë Demokratike, Sali Berisha i ka dalë në krah protestës së pedagogëve të cilëty ditën e sotme kanë paralajmëruar përshkallëzim që mund t’i çojë deri në grevë urie.
