Një 60-vjeçar shqiptar është vënë në pranga nga policia italiane pasi ka përndjekur dhe kërcënuar me jetë vajzën e tij.
Ai e kërcënonte duke ia bërë të pamundur jetën, i bindur se ajo dhe nëna e saj ishin përgjegjëse për dështimet e saj. Sjellja e tij kishte bërë që gruaja e tij ta largonte nga shtëpia dhe ai ishte kthyer në Shqipëri.
Në qershor ai u kthye sërish në Itali dhe shkonte shpesht tek vajza e tij 34-vjeçare, punonjëse e një bari në Como, dhe e kërcënonte.
Një ditë burri thirri policinë në lokal duke pretenduar se askush nuk donte t’i shërbente. Pasi policia e shoqëroi në komisariat, ai ka bërtitur dhe kërcënuar rëndë të bijën, duke i premtuar se do t’i “priste kokën” nëse do të bënte denoncim.
Kështu prokurori i Comos, pasi ka dëgjuar dëshmitë e punëdhënësit, vëllait dhe nënës së gruas, ka kërkuar dhe ka marrë urdhrin e kujdestarisë.
60- vjeçari u ndalua në Malpensa teksa po tentonte të kthehej në Shqipëri dhe u dërgua në burg, raportojnë mediat italiane.
