Nga Boldnews.al
Kryetari i Bashkisë së Tiranës, Erion Veliaj, ka para’ pa fund. Rritja e taksave vendore, por edhe paratë që vërshojnë “lumë” nga lejet e ndërtimit, kanë mbushur arkën e buxhetit të kësaj bashkie, në territorin e së cilës jetojnë 1 e 3 e shqiptarëve. Por, çfarë bën me këto para’ kryetari Veliaj?!
Natyrisht, për t’i shpenzuar, sajon lloj-lloj tenderi, me qëllimin e vetëm që të “ngopë” firmat e preferuara, apo të bëjë qokat e radhës këto kohë, kur jemi në prag të zgjedhjeve lokale. Redaksia e “BoldNews.al” ka siguruar disa dokumente të një tenderi të çuditshëm që po kryen Lali Eri. Ai po shpenzon plot 760 mijë euro për … t’u mësuar biçikletën fëmijëve! Një paradoks i madh, pasi gjithkush nga ne e ka mësuar në rrugicat e lagjeve, në rrugët e fshatit apo qytezës. Me prindërit apo me njëri-tjetrin.
Në dokumente, vartësit e Lali Erit, shkruajnë se kanë gati tenderin me objekt të prokurimit “Shkolla e biçikletave, për grupmoshat 7-10 vjeç”. “Autoriteti kontraktues është Bashkia Tiranë dhe fondi limit është 76.745.571 lekë” thuhet në këto dokumente. Pra, një shumë, nëse do t’i shtosh edhe TVSH-në, prej 760 mijë eurosh. Një shumë e konsiderueshme, duke parë që për t’u mësuar biçikletën fëmijëve, shpenzohet kaq shumë.
Por, punonjës të bashkisë, përse me këto para nuk ndërtoni parqe publike? Kënde lojërash, apo të shtroni rrugët në afërsi të blloqeve të pallatit? Kush do të shkojë të mësojë biçikletën në këtë shkollë, fëmijët e thjeshtë, apo ata tuajët? Nëse bëhet për njerëzit e thjeshtë, atëherë më mirë këto para’ të shkojnë për punë utilitare dhe jo për “qokat” e radhës.
