Deputeti i Partisë së Lirisë, Petrit Vasili thotë se kryeministri Edi Rama po i bën presion Gjykatës Kushtetuese, për të mos marrë një vendim në favor të opozitës, e cila e ka çuar në këtë institucion vendimin e fundit të qeverisë për ndërtimet pa leje.
Sipas Vasilit, ajo VKM është një pazar dhe autori i saj është vetë Edi Rama, i cili i ka lejuar ndërtimet pa leje.
Në një postim në FB, Vasili shkruan:
“Ndërtimet pa leje i lejoi vetëm Rama me dijeni te plote. Fajtori i vetëm për ndërtimet pa leje është vetëm Edi Rama dhe gjithë zabërhanët e tij, qe kane pushtuar zyrat e shtetit. Autori i Pazar-VKM-se me katet shtese pa leje është vetëm Edi Rama. Rama dërdellitesi i neveritshëm dhe i bezdisur i Reformës ne Drejtësi i bën sot dhunshëm, hapur dhe mafiozisht presion Gjykatës Kushtetuese. Ky i çmendur, qe nuk njeh as shtet ligjor as Kushtetute, por vetëm shtet te kapur dhe ligjin e mafias duhet shporrur nje ore e me pare”.
