Policia ka arrestuar një 34-vjeçar pasi u kap duke transportuar 5 emigrantë, me qëllim kalimin e paligjshëm të kufirit.
Blutë bëjnë me dije se pas hekurave ra shtetasi me inicialet S. P., banues në Tiranë.
“34-vjeçari është kapur në flagrancë nga shërbimet e Policisë, në rrugën “Princ Vidi”, duke transportuar me një automjet, 5 emigrantë, të cilëve, kundrejt shpërblimit monetar, iu kishte premtuar transportimin nga Tirana në drejtim të veriut të Shqipërisë, me qëllim kalimin e tyre në pikat kufitare, me destinacion final vendet e BE-së”, njofton policia.
Po ashtu u proceduan penalisht 5 emigrantët e paligjshëm, për veprën penale “Kalimi i paligjshëm i kufirit shtetëror”.
Materialet procedurale i kaluan Prokurorisë pranë Gjykatës së Rrethit Gjyqësor Tiranë, për veprime të mëtejshme.
