Policia ka arrestuar në flagrancë 5 shtetas në Tiranë dhe Kavajë pasi ushtronin aktivitetin e jashtëligjshëm të lojrave të fatit. Një shtetas tjetër procedohet në gjendje të lirë.
Gjatë kontrolleve të ushtruara në ambjetet e disa lokaleve këta shtetas vendosnin baste sportive nëpërmjet aparateve celularë.
“Strukturat e DVP Tiranë, në vijim të punës për goditjen e paligjshmërisë në fushën e lojërave të fatit, bazuar dhe në informacione të marra në rrugë operative, kanë organizuar kontrolle në lokale dhe ambiente të ndryshme, të cilat mund të vihen në dispozicion për organizimin e lotarive të palejuara. Si rezultat i kontrolleve janë evidentuar dhe goditur 5 raste të kësaj veprimtarie.
Në përfundim të veprimeve hetimore për këto raste u arrestuan në flagrancë shtetasit:
– E. E., 30 vjeç, A. K., 32 vjeç, R. Xh., 32 vjeç, L. J., 23 vjeç, A. Rr., 45 vjeç, si dhe u procedua penalisht shtetasi A. Sh., 30 vjeç.”- njofton policia.
Materialet procedurale i kaluan Prokurorisë, për veprime të mëtejshme.
