Gjykata e Posaçme e Apelit rikthen në burg ish-prokurorin e Kukësit, Edmond Karriqi, i cili është dënuar nga Shkalla e Parë për korrupsion. Me vendimin e marrë nga Apeli i GJKKO, Karriqi dënohet me 2 vite burg, ndërsa dënimi konvertohet me shërbim prove. Për 4 vite ish prokurori do paraqitetet në shërbimin e provës.
Gjithashtu për këtë çështje u shpallën fajtor edhe Isuf Gega, Emirjan Beu dhe Dritan Dedja, të cilët u dënuan me nga 2 vite burg. Për shkak të gjykimit të shkurtuar ata përfituan 1/3 e uljes së dënimit duke u dënuar përfundimisht me nga një vit burg.
Ish-prokurori u arrestua më 30 qershor të vitit 2021 në Kavajë me urdhër të SPAK. Përmes përgjimeve, Prokuroria e Posaçme arriti të provojë se Karriqi ka marrë 2000 euro ryshfet për lehtësimin e masës së sigurisë për një të pandehur, i dënuar për drogë. Bashkë me të u arrestua dhe shoferi i tij që bënte rolin e sekserit.
Deri në vitin 2019, Edmond Karriqi ka qenë prokuror pranë Prokurorisë së Kavajës, më pas ai është emëruar në Lushnje si prokuror. Ndërsa, më pas ai u transferua në Kukës ku u komandua drejtues nga Këshilli i Lartë i Prokurorisë.
Në seancën e kësaj të marte në Apelin e Posaçëm, vetë Karriqi nuk ishte i pranishëm.
