Kryetari i Partisë së Lirisë, Ilir Meta është shprehur se djegia e mandateve ishte një vendim katastrofik i Lulzim Bashës.
Meta duke folur për News24 u shpreh se edhe Kryemadhi ra pre e besimit të verbër ndaj Bashës dhe u mashtrua, duke vendosur për djegien e mandateve së bashku me PD-në.
“Nga pikpamja e respektimit të të drejtave të njeriut, nga pikëpamja ekonomike dhe sociale, situata është ulëritëse, por unë isha betuar mbi kushtetutë që do të qëndroja si president deri në fund të mandatit. Djegia e mandateve kishte vendime fatale për demokracinë, ishte vendim i gabuar i Partisë Demokratike, por unë i kam paralajmëruar edhe Monikën edhe Petrit Vasilin që të mos i digjnin mandatet. Fakti që sot kemi zero këshilltar në Këshillat Bashkiak është një situatë e keqe ku nuk mbron dot të drejtat e qytetarëve”, ka thënë Meta.
Ish-kreu i Shtetit, shtoi se nëse LSI nuk do t’i digjte mandatet, as PD nuk do t’i digjte.
“Duhet të jemi të sinqertë, Monika është një makineri e tërë organizative, njerëzore, frymëzuese, motivuese, dhe ka qenë një politikane e spikatur, ajo ka historinë e saj të pavarur nga unë, saç sillte ajo gjimnazistë nga Tirana, nuk sillnin gjithë të tjetër nga gjithë Shqipëria. Ra viktimë e një besimi të marrë ndaj Lulzim Bashës, dhe ky është çmimi që ka paguaj jo vetëm ajo por një forcë e tërë politike dhe gjithë Shqipëria, sepse jam i sigurt që nëse LSI nuk do t’i digjte mandatet, as PD nuk do t’i digjte. Ajo ishte e qëllimshme nga Basha dhe Rama që LSI të digjte mandatet dhe të krijohej një polarizim artificial, për të më shkarkuar dhe mua më pas, për të marrë gjykatën kushtetuese dhe për ta defaktorizuar LSI duke e nxjerrë në rrugë, dhe Basha ishte i qartë dhe nuk donte të futej në zgjedhje se ishte i kushtëzuar nga Rama dhe kur i shtyva zgjedhjet lokale dhe ora dhe kosto të caktuar për hir të shmangies së një konfrontimi dhe kërkesës nga Bundestagu… një zhvillim dramatik me pasoja të rënda për vendin”, shprehet Meta.
