Kreu i Partisë Demokratike, Sali Berisha për herë të parë ka zbuluar se është duke negociuar me grupin që mbështesin Enkelejd Alibeajn në mënyrë që kjo forcë politike të dalë e bashkuar në zgjedhjet lokale.
Gjatë një reagimi për mediat në hyrje të Kuvendit, Berisha tha se Paloka ka zhvilluar takime me grupin e deputetëve që mbështet Alibeajn për të dalë të bashkuar dhe të dalin në një konkluzion të përbashkët për Reformën Territoriale që do të jetë në shërbim të qytetarëve. Berisha shtoi se primaret do të organizoheshin në atë formë ku të mund të votonin si anëtarët po ashtu edhe simpatizantët e partive opozitare.
“Gjatë këtyre ditëve do të takoj të gjitha forcat politike që kanë patur aktivitet elektoral por nuk janë në parlament, pra të shkohet me një front të vërtetë. Çdo deputet është i ftuar që të kandidojë po të dojë, por edhe të inkurajojë të tjerë. Kryesia përveç rasteve më të jashtëzakonshme nuk do të bëjë përzgjedhje eliminuese, por do të jenë primaret, ne kemi premtuar dhe do të sjellim ndryshimin. Kushdo që do të kandidojë është i ftuar të kandidojë.
Grupimi Alibeaj? “Janë bërë takime, do bëhen takime. Paloka po merret konkretisht me këtë çështje, por jo vetëm ai. Janë të hapura të gjitha dyert e komunikimit. Kjo ftesa ime publike është rasti i fundit. Nëse duan mirëkuptim apo marrëveshje. Nuk shikoj arsye përse grupi i Alibeajt mos bashkohet me ne. U kërkova partitve aleate, bëni listat, të votojnë anëtarët dhe simpatizantët tuaj. Po ecën drejt mirëkuptimit. Nëse nuk bashkohen? Nuk shoh arsye se përse ata të mos bashkohen në proces“, tha Berisha.
