Kreu i Partisë Demokratike, Sali Berisha e ka lënë derën të hapur për deputetët e grupit të Enkelejd Alibeajt.
Në një prononcim për mediat para selisë së Kuvendit, Berisha tha se çdo deputet është i ftuar të kandidojë në zgjedhje, përveç njërit “Lulzim Bashës”.
“Formë më civile se gara e hapur nuk ofrohet nga askush tjetër. Ne u zotuam se do të sjellim ndryshimin dhe e sollëm ndryshimin. Do të votojnë anëtarësia por edhe simpatizantët. U kërkova aleatëve që të votojnë. Po ecim drejt mirëkuptimit. Gjersa gjithçka është e hapur nuk shoh arsye se përse të marrin pjesë vetë. Të gjithë të ftohen përveç njërit, e merrni me mend vetë ju mos më bëni të përmend emra (Duke iu referuar Lulzim Bashës). Unë i them Zotit Alibeajt që nuk është e përshtatshme që të bëhet zëdhënësi i tij. Vendimi i Gjykatës së Apelit, deputetët e Alibeajt nuk janë palë. Gjykatësja është mercenare politike. E pashembullt në historinë e jurisprudencës”, tha Berisha.
