Ka zgjatur rreth një orë protesta e pedagogëve e cila u zhvillua përballë Universitetit Peliteknik të Tiranës. Pedagogët kanë kërkuar nga qeveria që të rrisë pagat dhe të plotësojë kërkesat e tjera pasi në të kundërt kanë paralajmëruar se më 17 tetor nuk do të nisë viti i ri akademik.
Gjatë protestës në kohë paralele Edi Rama zhvilloi një “anti-miting” në Universitetin Buqësor të Tiranës ku premtoi rritje page 7% për këtë kategori, por i menjëhershëm ishte reagimi i pedagogëve të cilët e kanë refuzuar propozimin e kryeministrit.
“Ne do të bëjmë një rritje pagash të mërkurën kur është mbledhja e qeversië për 7%, por universiteti do ti njohim të drejtën për rritje page të pedagogëve sipas vendimit të vetë. Universiteti është autonom. Në universitet nuk mund të jenë të gjithë njësoj”, tha Rama.
Kryetari i Sindikatës së pedagogëve Aleksandër Kovaçi i është përgjigjur deklaratës së kryeministrit Rama për rritje 7% të rrogës. Gjatë protestës, Kovaçi tha se kjo shifër nuk është rritje rroge, duke theksuar se pagat e universitetit nuk kanë pasur as indeksim. Po ashtu ai i ka kërkuar Ramës që të herë dorë nga investimet strategjike.
“Nuk është rritje, hiq dorë nga investimet strategjike dhe kaloji fondet te pagat në Universitet. Ne kemi këto nuk janë të vetme probleme të Universitetit, të trajtohet këto minimalistë dhe pastaj të shohim me radhë. Kryeministri vijon me teorinë e 7%. Kjo nuk është rritje. Pagat e Universiteti nuk kanë pasur as indeksim. I themi të mbledhë këto të gjitha njëherë sepse ka mbajtur dhe interesat sepse nuk ka indeksuar as inflacionin. Pra ka hapësira qeveria të shtojë 20-30 mln euro për Universitetin. Duke pritur kryeministrin të realizojë kërkesën e ofertës tonë, me krizën që supozon kryeministri, ne i kemi ulur kërkesat tona. Kryeministri të heqë dorë nga disa investime strategjike e të përqendrohet në investimin ne paga se këto lekë prapë i kthehen atij me taksat e tatimet. Ne do qëndrojmë do vijojmë me ndjekjen e kërkesave tona. Besoj do na mirëkuptojnë studentët, nëse s’kemi përgjigje do e quajmë grevë si të doni ose bojktot të fillimit të vitit të ri akademik duke kërkuar mirëkuptimin e prindërve të studentëve tanë”, tha Kovaçi.
Pedagogët kanë theksuar se nëse nuk do të ketë një reagim, atëherë do të bojkotojnë procesin mësimor. Kësaj thirrje i janë bashkuar edhe pedagogë të universiteteve të rretheve, duke iu përgjigjur në këtë mënyrë edhe ftesës së Sindikatës së Pedagogëve.
Kërkesat e pedagogëve
-Rritja e pagave për pedagogët dhe stafin ndihmës.
-Rritja e financimit për kërkimin shkencor.
-Rivendosja e shtesave mbi pagë për ‘Dëshmi shëndeti në punë’.
-Rritja e shtesës mbi pagën për vjetërsinë në punë.
-Rritja e pagesës së orëve të ngarkesës suplementare.
-Rivlerësimi i orës mësimore pas ka zbritje prej 50% të pagesës së orës mësimore si rezultat i mosfierencimit të orës mësimore të leksionit.
-Rishikimin e tatimit prej 23% mbi pagesën e ngarkesës suplementare.
-Të pezullohet deri më 2026 zbatimi i pikës c) të paragrafit të 3, i Kreut III të VKM Nr.112, datë 23.2.2018 për kriteret e marrjes së titullit “Profesor”.
-Të bëhet transparencë mbi buxhetin dhe të ardhurat e universitetet publike
Kujtojmë që në mbështetje të pedagogëve ka dalë opozita me kryetarin e PD-së Sali Berishën i cili mëngjesin e sotëm i bëri thirrje qytetarëve që të dalin në shesh dhe të mbrojnë kauzën e arsimtarëve në Shqipëri të cilët marrin pagën më të ulët nga të gjitha vendet e rajonit. Gjithashtu edhe kreu i Partisë së Lirisë ka shprehur hapur mbështetjen ndaj Pedagogëve të cilët prej vitesh janë lënë në harresë nga “qeveria Rama”.
