Prej katër vitesh, që nga nëntori i vitit 2019 kur banesa e tyre u shemb nga tërmeti i frikshëm që goditi vendin, familja e Martin Jakut në Bubq vijon të jetojë në çadër, duke qenë shembulli më i qartë i dështimit të projektit për “Rindërtim”.
Teksa kryeministri Edi Rama dhe ministri tashmë i “zhveshur” nga çdo post dhe detyrë në PS dhe qeveri, Arben Ahmetaj i bin “tam tam-eve” të suksesit të Rindërtimit, Martini të bijën e tij e nxori nuse me fustan të bardhë nga çadra ku jeton familja.
Kjo ngjarje ka lënë pa fjalë edhe ish-kryeministrin Sali Berisha, i cili u ndal sot në familjen Jaku, ku tha se mbeti i përmalluar kur pa pamjet e dasmës së vajzës së familjes dhe lotët e babit dhe nënës së saj nga çadra.
Kryetari i Partisë Demokratike duke lidhur rastin me dështimin e qeverisë për të mbyllur në kohë dhe me sukses procesin e Rindërtimit, akuzoi, kryeministrin Rama se teksa sheh vuajtjet e qytetarëve dhe varfërinë të ulur këmbëkryq vijon paturpërisht të bëjë shpenzime luksi.
“Parlamenti është arenë debati ku dje ishte dita ku duet të paraqisnim hallet e qytetarëve, kurse ata merreshin vetëm si të mbrojnë qeverinë ato ministra të cilët mendojnë gjithë ditën dje nuk mendojnë për qytetarët. Jo vetëm kaq, por nuk mendojnë për zonat e tyre elektorale nga kanë dalë. Mendojnë si të mbrojnë Ramën e qeverinë e tij që po zhytet çdo ditë e më shumë në skandale të mëdha, në vjedhje e plaçkitje dhe në braktisje të qytetarëve. Kanë harruar se ekziston qytetari, hallet e dertet e tij të përditshme. S’ka turp më të madh, një shtet që len punonjësen që ka shkrirë jetën në kujdesin e shëndetit të banorëve, e len 3 vite në një çadër, kurse vetë Rama merr avionin personal 150 mijë euro udhëtim e nuk do t’ia dijë”, tha Berisha.
Kreu i selisë blu u ndal më tej te një nga veprat kaq shumë të kontestuara nga opozita dhe qytetarët, që Edi Rama po i bën dhuratë vetes me paratë e buxhetit të shtetit, në një kohë kur shqiptarët diskutojnë “bukën e gojës” dhe ngrohjen për dimër.
Berisha nënvizoi se me shifrën e çmendur që do të shpenzohet për instalacionin me arka druri, mund të ishin strehuar 40 nga familjet që kanë mbetur në qiell të hapur prej 4 vitesh, si pasojë e tërmetit shkatërrimtar.
“Blen instilacionin për Kryeministrisë 4 mln euro arka druri, dhe ti fle në çadër. Kur hajnia të verbon sytë e të merr moralin nuk të len asgjë në shpirt. Shpenzimet e tyre, të vish ti në Tiranë dhe të shohësh çfarë kanë bërë më inistalacionin e drurit, ai mund të kish blerë minimumi 400 kontenierë. Ose të kish ndërtu të paktën 40 shtëpi të mira.Arka druri me vazo, nuk mund të shkojnë kurrë aq. Është kryeministri më hajdut dhe antishqiptarë që ne kemi pas ndonjëherë“, u shpreh ish-kryeministri.
