Ka përfunduar takimi mes ambasadores së Shteteve të Bashkuara të Amerikës Yuri Kim dhe përfaqësues të partive politike në Shqipëri.
Rreth 1 orë e gjysmë zgjati takimi në zyrat e Komisionit Qendror të Zgjedhjeve, ndërsa më pas Yuri Kim ka zgjedhur të largohet në heshtje duke mos dhënë asnjë koment për mediat.
Në fillim Kim takoi kreun e KQZ-së, Ilirjan Celibashi. Fillimisht ka mbërritur ajo vetë, më pas, në zyrë u është bashkuar Monika Kryemadhi, ish-kryetarja e Lëvizjes Socialiste. Pas tyre kanë shkuar edhe përfaqësues të partive të tjera si Arjan Madhi e Damian Gjiknuri. PD përfaqësohet me Jorida Tabakun përballë Yuri Kim.
Ky takim vjen vetëm një ditë pasi Zëri i Amerikës publikoi rrëfimin e një zyrtari amerikan që tregonte se PD-ja është financuar me 500 mijë dollar nga Rusia në vitin 2017, vit kur drejtohej nga Lulzim Basha.
