Ish-kryeministri Sali Berisha dhe kryetari i Partisë së Lirisë, Ilir Meta raportohet se kanë zhvilluar një takim dy ditë më parë, ndërsa tema e diskutimit mendohet të ketë qenë aksioni opozitar mes dy partive.
Sali Berisha dhe Ilir Meta e kanë shprehur edhe publikisht që aksioni opozitar kundër qeverise dhe kryeministrit Rama do te jetë i perbashket.
Nderkohe, kur na ndajnë edhe 5 ditë nga sesioni i ri parlamentar, kryetari i Partisë Demokratike Sali Berisha ka thirrur sot kryesinë e PD-së për të diskutuar në lidhje me aksionin opozitar, që siç ka paralajmëruar, do të intensifikohet.
Ndërkoh, kur pritet që për pak muaj PD-ja të nisë primaret për zgjedhjet lokale, sot pritet të caktohen edhe grupet e punës që do të shpërndahen nëpër zona për të organizuar strukturat e Partisë Demokratike. Gjithashtu, një tjetër vendim që pritet të merret sot në mbledhjen e kryesisë së PD-së është edhe miratim i departamenteve pranë PDSHsë sipas sektorëve përkatës.
